బహిష్కృత మూలాల్లోకి 

నా ఉన్నతికి నేనే బలిపశువుని 

నా ప్రతిబింబానికి ప్రధమ శత్రువుని  

ఎవరెవరో ఏర్చికూర్చిన 

రంగురంగుల భావనల్లో 

నేనో ఊసరక్షేత్రాన్ని .

తరతరాల తపోవాంఛల్లో 

నన్నునేను కట్టడిచేసుకున్న

అసమర్ధ మూలసారాన్ని.

నేనొక పనిముట్టునని 

ఈ శతాబ్దం నాకిచ్చిన 

సారవంతమైన జ్ఞానం .

మదపుటెద్దుని మచ్చికచేసినట్టు

నన్నునేను లోబరుచుకోడం 

అత్యంత ఆధునిక  బానిసత్వం .

స్వేచ్ఛ ; నా తదనంతరం 

రెండు అధోనాగరికతల మధ్యన 

వేలాడే నా మాంసఖండం .